معلومات قرآن مجید
- Admin
- Feb 09, 2022
معزز ناظرین :
یہ مختصر سا کتابچہ ہے جو بعض اشاروں ، لطائفوں ، فضائلوں ، فوائد و معانی ، استنباطوں ، اسباب نزول اور حقوق قرآن وغیرہ پر مشتمل ہے جسے سوال و جواب کے انداز میں بالتوبیب ترتیب دیا گیا ہے اور ایک سو ساٹھ سوالات کے جوابات اس میں بیان کیے گئے ہیں۔
معزز ناظرین !
ایک مسلمان کو چاہئیے کہ اپنے اوقات اور ساعات کو قرآن مجید پڑھنے ، سمجھنے اور اس کی آیات میں تدبر و تفکر میں گزارے اور اس کے چشمۂ صافی سے مستفید ہو ، اللہ تعالیٰ سے دعا ہے کہ وہ اس کتابچہ کو مجھے اور آپ سب کے لئے مددگار بنائے۔ آمین یا رب العالمین۔
سوال 1: قرآن مجید کی جامع و مانع تعریف کیا ہے ؟
جواب: قرآن مجید اللہ رب العالمین کا معجزانہ کلام ہے جو خاتم الانبیاء جناب محمد صلی اللہ علیہ وسلم پر حضرت جبرئیل علیہ السلام کے واسطے سے نازل ہوا، جو مصاحف میں مکتوب ہے اور تواتر کے ساتھ ہمارے پاس چلا آ رہا ہے ، جس کی تلاوت کرنا عبادت ہے اور جس کا آغاز سورۃ الفاتحہ سے اور اختتام سورۃ الناس پر ہوتا ہے۔
سوال 2: قرآن کریم کو کتنے ناموں کے ساتھ موسوم کیا گیا ہے ؟
جواب: قرآن کریم کو متعدد ناموں سے موسوم کیا گیا ہے :
کتاب (حقائق حول القرآن للشیخ محمد رجب، والتبیان فی اسماء القرآن للشیخ البنیمہی)
سوال 3: قرآن کریم مخلوق ہے یا غیر مخلوق؟
جواب:قرآن کریم اللہ تعالیٰ کا کلام ہے ، مخلوق نہیں۔
سوال 4: جو قرآن کریم کے مخلوق ہونے کا عقیدہ رکھے اس کا کیا حکم ہے ؟
جواب: جو قرآن کے مخلوق ہونے کا عقیدہ رکھے وہ کافر اور اسلام سے خارج ہے کیونکہ قرآن اپنے حروف و معانی سمیت حقیقت میں اللہ تعالیٰ کا کلام ہے۔
سوال 5: کیا قرآن مجید میں کسی قسم کی کوئی تبدیلی ہوئی ہے ؟
جواب: قرآن مجید میں کسی قسم کی کوئی تبدیلی نہیں ہوئی ہے۔ بلکہ یہ مقدس کتاب اسی حالت میں ہے جس حالت میں نبی آخر الزمان حضرت محمد صلی اللہ علیہ وسلم اپنی امت کے لیے چھوڑ گئے تھے۔
سوال 6: جو شخص قرآن مجید میں کمی زیادتی کا عقیدہ رکھے کیا وہ دائرہ اسلام سے خارج ہو جاتا ہے ؟
جواب: جی ہاں ! جو شخص قرآن مجید میں کمی زیادتی کا عقیدہ رکھے وہ دائرہ اسلام سے خارج ہو جاتا ہے۔
سوال 7: کیا قرآن میں تبدیلی ہو سکتی ہے ؟
جواب: قرآن میں تبدیلی ناممکن ہے کیونکہ اللہ تعالیٰ نے اس کی حفاظت کا ذمہ لیا ہے۔ (دیکھئے سورۃ الحجر، آیت 9)
سوال 8: قرآن کریم میں کتنی سورتیں ہیں ؟
جواب: قرآن کریم میں ایک سو چودہ (114) سورتیں ہیں۔
سوال 9: قرآن کریم میں کتنے پارے ہیں ؟
جواب: قرآن کریم میں تیس (30) پارے ہیں۔
سوال 10: قرآن کریم میں کتنے احزاب ہیں ؟ (1)
جواب : قرآن کریم میں ساٹھ احزاب ہیں۔
سوال 11: قرآن کریم میں کتنے رکوع ہیں ؟
جواب: قرآن کریم میں 540 رکوع ہیں۔
نوٹ:
سلف صالحین کا یہ معمول تھا کہ وہ ہر ہفتے ایک قرآن ختم کر لیا کرتے تھے۔ اس مقصد کے لیے انہوں نے روزانہ تلاوت کی ایک مقدار مقرر کی ہوئی تھی جسے حزب یا منزل کہا جاتا ہے۔(البرہان 25)
سوال12:قرآن کریم میں کتنی آیتیں ہیں ؟
جواب:قرآن کریم میں 6236 آیات ہیں۔
سوال 13:قرآن کریم کے کلمات کی تعداد کتنی ہے ؟
جواب:قرآن کریم کے کلمات کی تعداد 77439ہے۔ ( شیخ مضمد رجب کی تالیف[حقائق حول اللقران])
سوال14: قرآن کریم کے حروف کی تعداد کتنی ہیں ؟
جواب:قرآن کریم کے حروف کی تعداد 340740 ہے۔
سوال15:قرآن کریم میں کتنے سجدے ہیں ؟
جواب:قرآن کریم میں پندرہ سجدے ہیں۔
(سنن ابی داؤد کتاب سجوداللقران)
سوال16:مکی اور مدنی سورتوں کا کیا مطلب ہے ؟
جواب:قرآن کریم کی جو آیتیں یا سورتیں رسول کریم صلی اللہ علیہ وسلم پر ہجرت سے پہلے اتریں ہیں وہ مکی ہیں اور جو سورتیں یا آیتیں رسول کریم صلی اللہ علیہ وسلم پر ہجرت کے بعد اتریں ہیں وہ مدنی ہیں۔
سوال17:مدنی سورتوں کی تعداد کتنی ہیں ؟
جواب:مدنی سورتوں کی تعداد [28]ہیں جن کے اسماء یہ ہیں :
سوال18:مکی سورتوں کی تعداد کتنی ہیں ؟
جواب:مکی سورتوں کی تعداد چھیاسی[86]ہیں۔ اوپر ذکر کی گئی مدنی سورتوں کے علاوہ ساری سورتیں مکی ہیں۔
سوال19:مکی سورتوں کی بعض علامات و نشانیاں بیان کیجئے ؟
جواب:(1)ہر وہ سورت جس میں لفظ [کلا] آیا ہو۔
(2)ہر وہ سورت جس میں سجدہ آیا ہو۔
(3) ہر وہ سورت جس کے شروع میں حروف مقطعات آئے ہوئے ہوں سوائے سورۃ البقرہ اور آل عمران کے۔
(4) ہر وہ سورت جس میں آدم علیہ السلام اور ابلیس کا واقعہ مذکور ہو، سوائے سورۃ البقرہ کے۔
(5) ہر وہ سورت جس میں نبیوں اور امم ماضیہ کے حالات واقعات مذکور ہوں سوائے سورۃ البقرہ کے۔
(مباحث فی علام القران اللشیخ مناع القطان)
سوال20:مدنی سورتوں کی بعض علامات و نشانیاں بیان کیجئے ؟
جواب:(1)جس سورت میں حدود و فرائض کا ذکر ہو۔
(2)جس سورت میں جہاد کی اجازت اور جہاد کے احکامات بیان کئے گئے ہوں۔
(3)جس سورت میں منافقین کا ذکر آیا ہو سوائے سورہ عنکبوت کے۔
(مباحث فی علام القران اللشیخ مناع القطان)
سوال21:قرآن کریم کی سورتوں کی کتنی قسمیں ہیں ؟
جواب: قرآن کریم کی سورتوں کی چار قسمیں ہیں :
سات لمبی سورتوں کو کہتے ہیں جیسے البقرہ، آل عمران، النساء، المائدہ ، الاعراف اور ساتویں میں اختلاف ہے کہ ایا وہ الانفال اوربراءت (التوبہ) ہے جس کے درمیان بسم اللہ لا کر فصل نہیں کیا گیا ہے۔
وہ سورتیں جن کی آیات کی تعداد سو سے زیادہ یا سو کے لگ بھگ ہو۔
وہ سورتیں جن کی آیات کی تعداد دد سو کے لگ بھگ ہو۔
سورۃ الحجرات یا سورۃ ق سے لے کر آخر قرآن تک کی سب سورتوں کو مفصل کہتے ہیں۔
(مباحث فی علام القران اللشیخ مناع القطان)
سوال22:مفصل سورتوں کا کیا مطلب ہے ؟
جواب:مفصل سورتوں کا مطلب ہے جن سورتوں کے درمیان بسم اللہ الرحمٰن الرحیم کے ذریعہ فصل کیا گیا ہو۔
سوال23: مفصل سورتوں کی کتنی قسمیں ہیں؟
سوال24:طوال مفصل کا اطلاق کہاں سے کہاں تک کی سورتوں پر ہوتا ہے ؟
جواب:سورہ ق یا سورۃ الحجرات سے لے کر سورۃ النباء یا سورۃ البروج تک کی سورتوں پر طوال مفصل کا اطلاق ہوتا ہے۔
سوال25:وساط مفصل کا اطلاق کہاں سے کہاں تک کی سورتوں پر ہوتا ہے ؟
جواب:سورۃ النباء سے لے کر سورۃ اللیل تک کی سورتوں پر وساط مفصل کا اطلاق ہوتا ہے۔
سوال26:قصار مفصل کا اطلاق کن سورتوں پر ہوتا ہے ؟
جواب:سورۃ الضحی سے لے کر آخر قرآن تک کی سورتوں پر قصار مفصل کا اطلاق ہوتا ہے۔
سوال 27:قرآن مجید کس نبی پر اترا ہے ؟
جواب:حضرت محمد صلی اللہ علیہ وسلم پر۔
سوال28:کس مہینے میں قرآن اتارا گیا؟
جواب:ماہ رمضان میں قرآن اتارا گیا۔
سوال29:کس رات میں قرآن مجید اتارا گیا؟
جواب:شب قدر میں قرآن اتارا گیا
سوال30:قرآن پاک کی کون سی آیت سب سے پہلے اتری ہے ؟
جواب:قرآن پاک کی سب سے پہلے اترنے والی آیت{اقرا باسم ربک الذی خلق}ہے۔
سوال 31:قرآن مجید کی سب سے آخری آیت کون سی اتری ہے ؟
جواب:قرآن مجید کی سب سے آخری آیت جو اتری ہے وہ آیت یہ ہے:
سوال 32: نزول کے اعتبار سے قرآن مجید کی سب سے پہلی اور آخری سورۃ کون سی ہے ؟
جواب: نزول کے اعتبار سے سب سے پہلی سورت سورہ علق کی چند آیات اور سب سے آخری سورت سورہ النصر ہے۔
سوال33:پورا قرآن کتنے برس میں نازل ہوا؟
جواب:پورا قرآن تئیس [23]برس میں نازل ہوا۔
( خصائص القرآن للد کتور/فہد بن عبدالرحمٰن الرومی و حقائق حول القرآن الشیخ محمد رجب)
سوال34:فرمان نبوی صلی اللہ علیہ وسلم ہے سات حرفوں پر قرآن اتارا گیا ہے ان سات حرفوں میں نازل کرنے کا کیا مطلب ہے ؟
جواب:سات حرفوں میں نازل کئے جانے کا مطلب ہے کہ قرآن پاک سات عربی لہجوں میں نازل کیا گیا۔
سوال35: قرآن کریم کی سب سے بڑی سورت کون سی ہے اور وہ کتنی آیتوں اور پاروں پر مشتمل ہے ؟
جواب: قرآن کریم کی سب سے بڑی سورت سورۃ البقرہ ہے اور یہ دو سو چھیاسی[286]آیات اور ڈھائی پاروں پر مشتمل ہے۔
سوال36:قرآن کریم کی سب سے چھوٹی سورت کون سی ہے اور وہ کتنی آیات پر مشتمل ہے ؟
جواب:قرآن کریم کی سب سے چھوٹی سورت سورۃ الکوثر، اور یہ تین آیات پر مشتمل ہے۔
سوال37:ترتیب کے لحاظ سے قرآن مجید کی سب سے پہلی اور سب سے آخری سورت کون سی ہے؟
جواب:ترتیب کے لحاظ سے قرآن مجید کی سب سے پہلی سورت سورہ الفاتحہ اور سب سے آخری سورت سورۃ الناس ہے ؟
سوال38:قرآن مجید کی ان سورتوں کا نام بیان کیجئے جن میں سجدے ہوں ؟
سوال39: سورتوں کے شروع میں جو حروف مقطعات [الم-الر-کھیعص]آئے ہوئے ہیں کیا ان کا کوئی معنی اور مفہوم بھی ہے ؟
جواب:جی ان حروف کے کچھ نہ کچھ معانی ضرور ہیں جو صرف اللہ تعالیٰ ہی کو معلوم ہیں اور کسی کو معلوم نہیں۔
علامہ ابن کثیر رحمۃ اللہ علیہ فرماتے ہیں :
حروف مقطعات سے قرآن کریم کا اعجاز ثابت کرنا ہے جس کا مثل پیش کرنے سے تمام مخلوق عاجز ہے۔ ( بحوالہ تفسیر ابن کثیر ج /ا)
سوال 40:قرآن مجید کی ان سورتوں کی تعداد بتلائیے جن کا آغاز حروف مقطعات سے ہوتا ہے ؟
جواب:انتیس[29]سورتیں ہیں۔
سوال41:قرآن مجید کی وہ کون سی سورت ہے جس کو ثلث قرآن[تہائی قرآن]کہا گیا ہے ؟
جواب:سورۃ اخلاص {قل ھو اللہ احد}کو تہائی قرآن کہا گیا ہے۔
( صحیح بخاری، کتاب فضائل القرآن، باب فضل قل ھو اللہ احد عن ابی سعید الخدری، )
سوال42: قرآن مجید کی وہ کون سی سورت ہے جس کو ربع قرآن[چوتھائی قرآن]کہا گیا ہے ؟
جواب: سورۃ الکافرون کو ربع قرآن کہا گیا ہے۔
(سنن ترمذی، بروایت عبداللہ ابن عباس، حاکم، امام حاکم فرماتے ہیں کہ یہ حدیث صحیح الاسناد ہے ، علامہ البانی نے اس حدیث کو حسن لغیرہ کہا ہے ، دیکھئے صحیح الترغیب و الترہیب للالبانی حدیث:1477)
سوال43:قرآن کی وہ دو سورہ مبارکہ کون سی ہیں جن کو زہراوہین کے نام سے موسوم کیا جاتا ہے ؟
جواب:وہ دو سورتیں سورہ بقرہ اور سورۃ آل عمران ہیں۔
( حاکم، صحیح الترغیب حدیث:1466)
سوال44:قرآن مجید کی کس سورت کو نساء صغریٰ کہا جاتا ہے ؟
جواب:سورۃ الطلاق۔
[حضرت عبداللہ بن مسعودرضی اللہ عنہ نے اس سورت کو نساء صغری سے موسوم کیا ہے جیسا کہ امام بخاری وغیرہ نے بیان کیا ہے ]( بحوالہ تفسیر روح المعانی)
سوال45:قرآن مجید کی کس سورت میں مکھیوں کا ذکر آیا ہوا ہے ؟
جواب:سورۃ الحج آیت نمبر 73۔
سوال46:قرآن مجید کی کس سورت میں طالوت و جالوت کا واقعہ آیا ہوا ہے ؟
جواب:سورۃ البقرہ از آیت 247 تا 251۔
سوال47:قرآن مجید کی کس سورت میں سلیمان علیہ السلام اور ہدہد کا واقعہ آیا ہوا ہے؟
جواب: سورۃ النمل از آیت 20 تا 28۔
سوال48:کس سورت میں حضرت موسیٰ اور حضرت خضر علیہ السلام کا واقعہ آیا ہوا ہے ؟
جواب:سورۃ الکہف از آیت 65 تا 82۔
سوال 49: وہ کون سی سورت ہے جس میں بسم اللہ الرحمٰن الرحیم دو بار آیا ہے ؟
جواب:سورۃ النمل آیت: 30۔
سوال 50: قرآن مجید کی کس سورت میں روح کے متعلق سوال آیا ہوا ہے ؟
جواب:سورہ اسراء آیت نمبر 85۔
سوال51:قرآن مجید کی کس سورت میں ہے کہ شیطان اپنے متبعین سے [قیامت کے دن] لا تعلقی کا اظہار کرے گا؟
جواب:سورہ ابراہیم آیت نمبر 22۔
سوال 52:قرآن مجید کی کس سورت میں دابۃ الارض کے خروج کا ذکر آیا ہوا ہے ؟
جواب:سورہ نمل آیت:82۔ (1)
سوال53:قرآن مجید کی کس سورت میں سامری کا ذکر آیا ہوا ہے ؟(2)
جواب:سورہ طہ میں از آیت 85 تا 98۔
سوال54:قرآن مجید کی کس سورت میں غزوہ تبوک کا ذکر آیا ہوا ہے ؟
جواب: سورہ توبہ آیت:81۔
سوال55:قرآن مجید کی کس سورت میں جنگ بدر کا قصہ بیان ہوا ہے ؟
جواب: سورہ انفال از آیت 6 تا آیت 14۔
سوال 56: قرآن مجید کی کس سورت میں اصحاب الاخدود [خندقوں والے ]کا واقعہ آیا ہوا ہے ؟
جواب:سورہ بروج۔
قیامت کی ایک بڑی نشانی کے طور پر دابۃ الارض کا ظہور ہو گا [اللہ تعالیٰ زمین سے ایک جانور نکالے گا] اس جانور کے بے شمار اوصاف ہیں جو تفسیر اور اور فتن کی کتابوں میں مذکور ہیں لیکن وہ سب کی سب ناقابل اعتبار اور بلا دلیل ہیں۔
یہ آل فرعون کا یاک قبطی آدمی تھا جو موسیٰ پر ایمان لے آیا تھا اور جب موسیٰ بنی اسرائیل کو لے کر مصر سے نکلے تو یہ بھی ساتھ ہو لیا، بعد میں اس نے گوسالہ بنایا اور لوگوں کو گوسالہ پرستی کی ترغیب دی۔
سوال57:قرآن کریم کی کس سورت میں خبز[روٹی] کا لفظ آیا ہوا ہے اس سورت کا نام مع آیت بیان کیجئے ؟
جواب:سورۃ یوسف۔ آیت:32
سوال58:کس سورت میں واقعہ افک کا تذکرہ آیا ہوا ہے ؟
جواب:سورہ نور از آیت 11 تا آیت 18۔
سوال59:آیت الکرسی قرآن مجید کی کس سورت میں ہے ؟
جواب:سورہ بقرہ آیت: 255
سوال60:وہ کون سی سورت ہے جس کا آغاز دو پھلوں کے نام سے ہوا ہے ؟
جواب:سورہ تین [تین، زیتون]۔
سوال61:وہ کون سی سورت ہے جس کا خاتمہ دو نبیوں کے نام پر ہوا ہے ؟
جواب: سورہ اعلیٰ [ابراہیم و موسی]۔
سوال62:قرآن مجید کی کس سورت کے بارے میں امام شافعی رحمۃ اللہ علیہ کا ارشاد ہے کہ
اگر اللہ تعالیٰ اپنی مخلوق پر بطور حجت دلیل کے صرف اسی ایک سورت کو نازل فرما دیتے تو یہ ان کی ہدایت کے لیے کافی ہوتی۔
جواب:سورہ عصر۔
( بحوالہ تفسیر روح المعانی للعلامہ آلوسی بغدادی، اور بدائع التفسیر للعلامہ ابن القیم)
سوال63:وہ کون سی سورتیں ہیں جس کے بارے میں آپ صلی اللہ علیہ وسلم کا فرما ن ہے کہ:
جو شخص اپنی آنکھوں سے قیامت دیکھنا چاہتا ہو وہ یہ سورتیں پڑھے ؟
جواب: سورہ تکویر۔ سورہ انفطار۔ سورہ انشقاق۔
( مسند احمد، سنن ترمذی، حاکم، السلسلۃ الصحیحہ حدیث :1081)
سوال64:قرآن کریم کی پانچ ایسی سورتیں بیان کیجیے جن کا آغاز الحمد للہ سے ہوتا ہے ؟
سوال65:قرآن کریم کی وہ سورتیں کتنی ہیں جن کا آغاز [حم] سے ہوتا ہے جن کو حوا میم کہا جاتا ہے ؟
جواب:ایسی سات سورتیں ہیں:
سوال66:وہ پانچ سورتیں کون سی ہیں جن کا آغاز[الر ]سے ہوتا ہے ؟
جواب:(1) سورہ یونس(2)سورہ ہود (3)سورہ یوسف (4) سورہ ابراہیم (5) سورہ حجر۔
سوال67:وہ کون سی سورتیں ہیں جن کی ابتداء لفظ [سبح] سے ہوتی ہے ؟
جواب:وہ سورتیں جن کی ابتداء لفظ [سبح] سے ہوتی ہے ، یہ ہیں :
سوال68:وہ کون سی سورتیں ہیں جن کی ابتداء [یسبح] سے ہوتی ہے ؟
جواب:جن سورتوں کی ابتداء [یسبح] سے ہوتی ہے ، وہ درج ذیل ہیں :
سوال69: وہ کون سی سورتیں ہیں جن کی ابتداء تبارک سے ہوتی ہے ؟
جواب:جن سورتوں کی ابتداء [تبارک] سے ہوتی ہے وہ دو ہیں :
سوال70:وہ کتنی سورتیں ہیں جن کی ابتداء [الم] سے ہوتی ہے ؟
جواب: وہ سورتیں یہ ہیں :
سوال71:وہ سورتیں بیان کیجئے جن کی آغاز [طسم] سے ہوتا ہے ؟
جواب:وہ سورتیں یہ ہیں:
سوال72:وہ پانچ سورتیں لکھئے جن کا آغاز لفظ قل سے ہوتا ہے ؟
سوال73: وہ چار سورتیں کون سی ہیں جن کی ابتداء حرف [انا] سے ہوتی ہے ؟
سوال74:وہ دو سورتیں کون سی ہیں جو حرف [ویل] سے شروع ہوتی ہیں ؟
سوال75: وہ سورتیں کتنی ہیں جن کی ابتداء [یا ایھا النبی] سے ہوتی ہے ؟
جواب:
سوال76:قرآن مجید کی اس سورت کا نام بتایئے جو ایک نیک آدمی کے نام پر آئی ہوئی ہے جن کو اللہ تعالیٰ نے حکمت تو دی تھی پر نبوت عطا نہیں کی تھی؟
جواب:سورہ لقمان 21واں پارہ۔
سوال77:کس سورت میں ان تین اشخاص کا ذکر آیا ہوا ہے جو غزوہ تبوک سے پیچھے رہ گئے تھے ؟
جواب: سورہ توبہ آیت:119۔
سوال78: وہ کون سی سورت ہے جن کی تمام تر آیتیں حرف [د]پر ختم ہوتی ہیں ؟
جواب:سورہ اخلاص۔
سوال79:قرآن مجید میں وہ کون سی آیت ہے جس میں اس بات کا ذکر ہے کہ مشرکین اللہ کو نہیں دیکھ سکیں گے ؟
جواب: وہ آیت یہ ہے:
[ ہرگز نہیں یہ لوگ اس دن اپنے رب سے اوٹ میں رکھے جائیں گے ]
(سورہ مطففین آیت :15)
سوال80:قرآن مجید کی وہ کون سی آیت ہے جس میں اللہ نے حفاظت قرآن کا وعدہ لیا ہے ؟
جواب:فرمان باری تعالیٰ ہے:
سوال81:قرآن کریم میں ایک آیت ہے جس کے بارے میں فرمان نبوی صلی اللہ علیہ وسلم ہے کہ
اگر کوئی مسلمان سوتے وقت اس کو پڑھ لے تو اللہ کی طرف سے ایک نگراں مقرر کر دیا جاتا ہے اور صبح تک شیطان اس کے قریب نہیں پھٹکتا وہ کون سی آیت ہے ؟
جواب:وہ آیت، آیت الکرسی ہے:
سوال82:قرآن مجید کی وہ کون سی آیت ہے جس میں ولی کی تعریف بیان ہوئی ہے ، نیز وہ آیت کس سورت میں ہے ؟
جواب:ارشاد باری تعالیٰ ہے:
”یاد رکھو اللہ کے دوستوں پر نہ کوئی اندیشہ ہے اور نہ وہ غمگین ہوتے ہیں یہ وہ لوگ ہیں جو ایمان لائے اور برائیوں سے پرہیز رکھتے ہیں “
(سورہ یونس آیت :63)
سوال83: قرآن مجید میں ایک آیت ہے جس کے بارے میں فرمان نبوی صلی اللہ علیہ وسلم ہے کہ
جس نے ہر نماز کے بعد وہ آیت پڑھی تو اسے جنت میں داخلے سے موت کے علاوہ کوئی چیز نہیں روک سکتی وہ آیت کون سی ہے ؟
جواب: آیت الکرسی۔
(عمل الیوم واللیلہ للامام النسائی حدیث : 100 صحیح الجامع الصغیر للبانی حدیث:6464)
سوال84:قرآن مجید کی وہ کون سی آیت ہے جس میں اللہ تعالیٰ نے اپنے نبی کی زندگی کی قسم کھائی ہے ؟
جواب:وہ آیت یہ ہے فرمان الہی ہے:
”تیرے عمر کی قسم! وہ تو اپنی بد مستی میں سرگرداں تھے ”
(سورہ حجر آیت:72)
سوال85: قرآن مجید کی وہ کون سی آیت ہے جس میں یہ کہا گیا ہے کہ مہینوں کی تعداد بارہ ہیں ؟
جواب:وہ آیت یہ ہے:
فرمان باری تعالیٰ ہے:
سوال86: حرمت والے مہینے کتنے ہیں ؟
جواب:حرمت والے مہینے چار ہیں جن میں سے تین مہینے پہ در پہ ہیں
(1)ذی قعدہ (2) ذی الحجہ (3) محرم(4)رجب مضر، جو جمادی الاخری اور شعبان کے درمیان ہوتا ہے۔
سوال87: قرآن مجید کی وہ کون سی آیت ہے جس کے نازل ہونے کے بعد آپ صلی اللہ علیہ وسلم نے فرمایا کہ
وہ آیت مجھے دنیا و مافیہا کی تمام چیزوں سے زیادہ محبوب ہے ؟
جواب:وہ آیت یہ ہے ارشاد باری تعالیٰ ہے:ْ
سوال 88: حدیث شریف میں ہے کہ جو بچہ بھی پیدا ہوتا ہے شیطان اس کو مس کرتا ہے مگر دو ایسے ہیں جو اس مس شیطان سے محفوظ ہیں وہ دو کون ہیں ؟
جواب: حضرت مریم علیہا السلام اور ان کے بیٹے حضرت عیسی علیہ السلام، فرمان الٰہی ہے:
(سورہ ال عمران آیت:36)
فرمان نبوی صلی اللہ علیہ وسلم ہے:
جو بچہ بھی پیدا ہوتا ہے شیطان اس کو مس کرتا ہے اور اس مس شیطان سے ہر بچی رو پڑتا ہے مگراس مس شیطان سے حضرت مریم اور عیسی علیہم السلام محفوظ ہیں۔
(صحیح بخاری کتاب التفسیر، صحیح مسلم کتاب الفضائل)
سوال89: معوذات کن سورتوں کو کہا جاتا ہے ؟
جواب: سورہ اخلاص، فلق اور ناس کو معوذات کہا جاتا ہے ، چنانچہ صحیح بخاری و مسلم میں
“حضرت عائشہ رضی اللہ عنہا سے مروی ہے کہ جب آپ کو تکلیف ہوتی تو معو ذات پڑھ کر اپنے اوپر دم کرتے اور جب آپ کی تکلیف بڑھ جاتی تو میں معوذات پڑھ کر آپ پر دم کرتی اور برکت کی امید میں آپ کا ہاتھ آپ کے جسم مبارک میں پھیرتی رہتی تھی”
سوال90: سورہ مجادلہ کا دوسرا نام کیا ہے ؟
جواب سورہ مجادلہ کا دوسرا نام سورہ ظہار ہے۔
سوال91:قرآن کریم میں کس نبی کا تذکرہ سب سے زیادہ آیا ہوا ہے اور کتنی مرتبہ آیا ہوا ہے ؟
جواب:حضرت موسی علیہ السلام اور آپ کا نام تقریباً 136 مقامات پر آیا ہوا ہے۔
سوال92: قرآن کریم کی پے در پے وہ تین سورتیں کون سی ہیں جن میں لفظ جلالہ [اللہ] نہیں آیا ہوا؟
جواب: (1) سورہ رحمٰن (2) سورہ واقعہ (3) سورہ قمر
سوال93:قرآن کریم کی وہ کون سی سورت ہے جس کی ہر آیت میں لفظ جلالہ وارد ہوا ہے ؟
جواب سورۃ المجادلہ 28واں پارہ۔
سوال94: سورہ عبس میں کس نابینا صحابی کی طرف اشارہ آیا ہوا ہے ؟
جواب: حضرت عبداللہ بن ام مکتوم رضی اللہ عنہ۔
سوال 95: قرآن کریم میں کس صحابی کا نام آیا ہوا ہے مع آیت اس صحابی کا نام بتلایئے ؟
جواب: حضرت زید بن حارثہ رضی اللہ عنہ آیت یہ ہے :
سوال96: سورہ محمد کا دوسرا نام کیا ہے ؟
جواب: سورہ محمد کا دوسرا نام سورہ قتال ہے۔
سوال97: قرآن مجید کی کتنی سورتیں انبیاء کے نام پر آئی ہوئی ہیں ؟
سوال 98: آپ کس سورت کے ذریعہ نبی اور کس سورت کے ذریعہ رسول بنائے گئے ؟
جواب: آپ اقراء کے ذریعہ نبی اور مدثر کے ذریعہ رسول بنائے گئے۔
سوال99: قرآن کریم میں کتنے رسولوں اور نبیوں کا ذکر آیا ہے :
جواب: قرآن کریم میں کل پچیس رسولوں اور نبیوں کا ذکر آیا ہے :
(1) حضرت آدم علیہ السلام(2)حضرت نوح علیہ السلام(3)حضرت ادریس علیہ السلام(4) حضرت صالح علیہ السلام(5) حضرت ہود علیہ السلام(6) حضرت ابراہیم علیہ السلام(7)حضرت لوط علیہ السلام (8)حضرت اسماعیل علیہ السلام(9)حضرت اسحاق علیہ السلام(10)حضرت یعقوب علیہ السلام(11) حضرت یوسف علیہ السلام (12)حضرت موسی علیہ السلام(13)حضرت ہارون علیہ السلام(14)حضرت زکریا علیہ السلام(15)حضرت یحیی علیہ السلام(16) حضرت الیسع علیہ السلام(17)حضرت ذوالکفل علیہ السلام(18)حضرت داؤد علیہ السلام(19) حضرت سلیمان علیہ السلام(20)حضرت ایوب علیہ السلام(21) حضرت الیاس علیہ السلام (22)حضرت یونس علیہ السلام(23) حضرت شعیب علیہ السلام(24)حضرت عیسی علیہ السلام(25) حضرت محمد صلی اللہ علیہ وسلم۔
سوال100: قرآن میں کتنے فرشتوں کا نام آیا ہوا ہے ؟
جواب:جن فرشتوں کا نام قرآن مجید میں آیا ہوا ہے وہ یہ ہیں :
(1) جبریل (2) میکائیل (3) مالک(4) ہاروت و ماروت۔
سوال101:جہنم کے کتنے دروازے ہیں اور اس پر کون سی آیت دلیل ہے ؟
جواب:جہنم کے سات دروازے ہیں قرآن مجید کی ایک آیت:
دلیل ہے کہ جہنم کے سات دروازے ہیں۔
( سورہ حجر آیت:44)
سوال102:جہنم کے چھ نام بیان کیجئے جن کا تذکرہ قرآن مجید میں آیا ہوا ہے ؟
سوال103:قرآن مجید میں اللہ تعالیٰ نے جنت کو کتنے ناموں سے یاد کیا ہے ؟
جواب:قرآن مجید کو اللہ تعالیٰ نے درج ذیل ناموں سے یاد کیا ہے :
یہ لفظ قرآن مجید میں چھیاسٹھ مقامات پر آیا ہوا ہے ، اور اس کی جمع جنات ہے ، اس کے معنی ہیں باغات۔
[امن و سلامتی کا گھر](سورہ الانعام آیت:127)
[ہمیشہ کا گھر] (حم السجدہ آیت28)
[ابدی سکون کا مقام](سورہ فاطر:34۔35)
[یعنی ایسی جنت جہاں ٹھکانہ ملے ](سورہ نجم آیت:15)
[یعنی ایسی جنتیں جہاں کی رہائش ہمیشہ ہو](الصف:12)
ایسی زندہ رہنے کی جگہ جہاں موت نہیں ہو گی۔(سورہ عنکبوت آیت:64)
[یہ جنتوں میں اعلیٰ ترین مقام ہے جس کے باغات انگوروں کی بیلوں کے درمیان ہوں گے ](سورہ کہف آیت:107)
[ہر طرح کی ظاہری و باطنی نعمتوں سے مالا مال جنتیں ](سورہ لقمان آیت:8)
[پر امن جگہ] (سورہ دخان آیت:51۔52)
[سچی عزت کی جگہ]( سورہ قمر آیت:54۔55)
سوال104:اس نبی کا نام بتلائیے جو لاٹھی پر ٹیک لگائے ہوئے تھے کہ اللہ نے ان کی روح قبض کر لی؟
جواب:حضرت سلیمان علیہ السلام، 22واں پارہ، سورہ سبا آیت:14۔
سوال105:سورہ فاتحہ کے چھ نام بتلائیے ؟
سوال106:فرمان باری تعالیٰ ہے:
وہ درخت جس سے قرآن میں اظہار نفرت کیا گیا ہے ( سورہ اسراء آیت:60)
شجرہ ملعونہ سے کیا مراد ہے ، اور اس درخت کا ذکر کس سورت میں ہے ؟
جواب:شجرہ زقوم ہے۔
[جہنمیوں کا کھانا ہو گا]
اس درخت کا ذکر سورہ الصآفات آیت از 62 تا 66، سورۃ الدخان آیت از 34 تا 64، ، میں آیا ہوا ہے۔
سوال107:
( سورہ سجدہ آیت:21)
”بالیقین ہم انہیں قریب کے چھوٹے سے بعض عذاب اس بڑے عذاب کے سوا چکھائیں گے تاکہ وہ لوٹ آئیں “
میں عذاب ادنی سے کیا مراد ہے ؟
جواب:حضرت عبداللہ بن عباس رضی اللہ عنھما فرماتے ہیں عذاب ادنی سے دنیا کا عذاب دنیا کی مصیبتیں اور بیماریاں وغیرہ مراد ہیں۔
سوال108:سورہ بروج میں مذکور شاہد و مشہود سے کیا مراد ہے ؟
جواب:شاہد سے مراد عرفہ اور مشہود سے مراد جمعہ کا دن ہے۔
سوال109:فرمان الٰہی ہے:
[حج کے مہینے مقرر ہیں ]
( سورہ بقرہ آیت:197)
اشھر معلومات سے کیا مراد ہے ؟
جواب:راجح قول کے مطابق اس سے مراد شوال، ذوالقعدہ اور ذی الحجہ کے دس دن ہیں۔
( صحیح البخاری کتاب الحج باب قول اللہ تعالیٰ الحج الشھر معلومات)
سوال110:فرمان باری تعالیٰ:
”جن لوگوں نے نیکی کی ہے ان کے واسطے خوبی ہے اور زیادہ بھی”میں زیادہ کیا مراد ہے ؟
جواب:زیادہ سے مراد دیدار باری تعالیٰ ہے جس سے اہل جنت کو مشرف کیا جائے گا۔
(صحیح مسلم، کتاب الایمان، باب اثبات رویہ المومنین فی الاخر لربہم)
سوال 111: فرمان الہی ہے:
(اور یاد کرو جب نبی نے بعض عورتوں سے ایک پوشیدہ بات کی )
(سورہ التحریم آیت 3 )
آپ کی کون سی بیوی مراد ہے ؟
جواب : حضرت حفصہ بن عمر رضی اللہ عنہا۔
(بحوالہ ابن کثیر ، احسن البیان ، تیسیر الرحمن لبیان القرآن )
سوال112: فرمان الہی:
( سورہ توبہ آیت : 108 )
” اس میں ایسے آدمی ہیں کہ وہ خوب پاک ہونے کو پسند کرتے ہیں ، اور اللہ تعالیٰ خوب پاک ہونے کو پسند کرتے ہیں ”
اس آیت میں کن لوگوں کی طرف اشارہ ہے ؟
جواب :اس آیت میں اہل قبا کی طرف اشارہ ہے ، نبی صلی اللہ علیہ وسلم نے ان سے پوچھا کہ اللہ تعالیٰ نے تمہاری طہارت کی تعریف فرمائی ہے ، تم کیا کرتے ہو؟ انہوں نے کہا ہم ڈھیلے استعمال کرنے کے ساتھ ساتھ پانی بھی استعمال کرتے ہیں۔
ـ صحیح سنن ابی داؤد حدیث 43)
سوال 113 : فرمان الہی:
(24-سورة إبراہيم)
” کیا آپ نے نہیں دیکھا کہ اللہ تعالیٰ نے کلمہ طیبہ کی مثال کس طرح بیان فرمائی ، مثل شجرہ طیبہ کے ، جس کی جڑ مضبوط ہے اور جس کی ٹہنیاں آسمان میں ہیں ”
میں کلمہ طیبہ اور شجرہ طیبہ سے کیا مراد ہے؟
جواب : عبداللہ بن عباس رضی اللہ عنہ فرماتے ہیں کلمہ طیبہ سے مراد لا الہ الا اللہ اور شجرہ طیبہ سے مراد مومن ہے ، ایک دوسرا قول ہے کہ کلمہ طیبہ سے مراد مومن ہے اور شجرہ طیبہ سے کھجور درخت ہے ـ
بحوالہ تفسیر ابن کثیر ، تفسیر طبری ـ
سوال 114 :فرمان الہیٰ:
” میں كَلِمَةٍ خَبِيثَةٍ او شَجَرَةٍ خَبِيثَةٍ
سے کیا مراد ہے ؟
جواب : کلمہ خبیثہ سے مراد کفر و شرک ہے اور شجر خبیثہ سے حنظل (اندرائن ) کا درخت مراد ہے ـ
تفسیر طبری ، ابن کثیر
سوال 115 : وھدینہ النجدین میں نجدین سے کیا مراد ہے ؟
جواب : عبداللہ بن مسعود رضی اللہ عنہ فرماتے ہیں کہ خیر اور شر کے راستے مراد ہیں ـ
(تفسیر ابن کثیر)
سوال 116: فرمان الہی :
(1 سورة الفتح)
” بیشک (ائے نبی ) ہم نے آپ کو ایک کھلم کھلا فتح دی ہے ـ ”
میں فتح سے کیا مراد ہے ؟
جواب : صحیح قول کے مطابق فتح سے مراد صلح حدیبیہ ہے ـ واللہ اعلم ـ
سوال 117 : فرمان الہی:
(1- سورة الكوثر)
میں الْكَوْثَرَ سے کیا مراد ہے ؟
جواب : الکوثر سے ایک نہر مراد ہے ، جو جنت میں آپ صلی اللہ علیہ وسلم کو عطا کی جائے گی ـ
( صحیح البخاری ، کتاب التفسیر و کتاب الرقاق باب فی الخوض )
واضح رہے کہ نہر کوثر اور حوض کوثر میں فرق ہے کہ ، حوض کوثر میدان حشر میں ہو گا ـ جبکہ کوثر یا نہر کوثر جنت میں ہے ، البتہ یہ ضرور ہے کہ حوض میں جو پانی ہے اس کا مصدر نہر کوثر ہی ہے ـ واللہ اعلم ـ
سوال 118 : قرآن مجید کی وہ کون سی آیت ہے جس کی ابتدا اور انتہا دونوں لا علم ہوتی ہے ؟
جواب : وہ آیت:
(7 سورة المجادلة)
سوال 119 : قرآن کریم میں اللہ تعالیٰ نے نوح علیہ السلام و لوط علیہ السلام کی بیویوں کو خائن کہا ہے ـ
پھر ان کی انہوں نے خیانت کی پس وہ دونوں (نیک بندے ) ان سے اللہ کے ( کسی عذاب کو ) نہ روک سکے ـ
(سورہ تحریم آیت : 10)
یہاں خیانت سے کیا مراد ہے ؟
جواب : یہاں خیانت سے مراد عصمت میں خیانت نہیں کیونکہ اس بات پر اجماع ہے کہ کسی نبی کی بیوی بد کار نہیں ہوتی ، خیانت سے مراد یہ ہے کہ اپنے خاوندوں پر ایمان نہیں لائیں ـ اور ان کی ہمدردیاں اپنی کافر قوم کے ساتھ رہیں ، عبداللہ بن عباس رضی اللہ عنہ فرماتے ہیں کہ لوط علیہ السلام کی بیوی کی خیانت یہ تھی کہ وہ قوم کو گھروں میں آنے والے مہمانوں کی اطلاع پہنچاتی تھی ، نوح علیہ السلام کی بیوی لوگوں سے نوح کی بابت کہتی کہ یہ مجنون ہے ـ
سوال 120 : قرآن مجید میں کتنے قسم کے نفس کا تذکرہ آیا ہے ؟
وہ نفس جو انسان کو برائیوں پر ابھارتا اور آمادہ کرتا ہے ، اس کا ذکر سورہ یوسف 53 میں آیا ہوا ہے ـ
وہ نفس جو کوتاہی اور برائی ہو جانے پر بھی انسان کی ملامت کرتا ہے اور طاعت کے ترک پر بھی انسان کو ملامت کرتا ہے ، اس کا ذکر سورہ القیامہ آیت : 2 میں آیا ہوا ہے ـ
وہ پاکیزہ نفس جسے اللہ کے وعدوں پر یقین ہے کہ اسے قیامت کے دن کوئی ڈر اور خوف لاحق نہیں ہو گا ، اس کا سورہ الفجر 27میں آیا ہے ـ
سوال 121 :
” وہ تمہیں تمہاری ماؤں کے پیٹوں میں ایک بناوٹ کے بعد دوسری بناوٹ پر بناتا ہے تین تین اندھیروں میں ”
(سورہ زمر آیت :6 )
تین اندھیروں سے کیا مراد ہے ؟
جواب : ایک ماں کے پیٹ کا اندھیرا ـ دوسرا رجم کا اندھیرا ، تیسرا مشیمہ کا اندھیرا یعنی وہ جھلی یا پردہ جس کے اندر بچہ لپٹا ہوتا ہے ـ (بحوالہ تفسیر ابن کثر) ـ
سوال 122 : قرآن مجید کی وہ کون سی آیت ہے جس کو چاہے سیدھے لفظوں سے پڑھا جائے یا الٹے لفظوں سے پڑھا جائے وہ اپنی اصلی حالت پر برقرار رہتی ہے اور اس میں کوئی تبدیلی نہیں آتی ؟
جواب : وہ آیت اللہ تعالیٰ کا فرمان ہے وَرَبَّكَ فَكَبِّرْ (سورة المدثر آیت3)
سوال 123 : آیت سیف کیا ہے ؟
جواب: آیت سیف یہ ہے کہ اللہ تعالیٰ نے فرمایا:
(سورہ التوبہ آیت 73 )
” ائے نبی ! کافروں اور منافقوں سے جہاد جاری رکھو اور ان پر سخت ہو جاؤ ، ان کی اصلی جگہ دوزخ ہے جو نہایت بدترین جگہ ہے ”
سوال 124: اولوالعزم پیغمبر کتنے ہیں اور ان کے نام کیا ہے اور قرآن کی کون سی آیت اس پر دلیل ہے ؟
جواب ـ پانچ ہیں ـ
اس کی دلیل قرآن مجید کی یہ آیت:
(سورہ احزاب ـ 7)
( جب کہ ہم نے تمام نبیوں سے عہد لیا اور بالخصوص آپ سے اور نوح اور ابراہیم سے اور موسی سے اور مریم کے بیٹے عیسی سے اور ہم نے ان سے پکا اور پختہ عہد لیا )ـ
نیز:
(سورہ الشوری کی آیت:13)
سوال 125 : فرمان الہی :
(سورہ واقعہ آیت46)
میں حنث العظیم سے کیا مراد ہے ؟
جواب : شعبی نے کہا حنث سے جھوٹی قسم مراد ہے ، عبداللہ بن عباس رضی اللہ عنہ مجاہد ، ضحاک وغیرہ نے شرک مراد لیا ہے۔
بحوالہ ابن کثیر ـ
سوال 126: قرآن مجید میں قیامت کو جن ناموں کے ساتھ موسوم ہے وہ بیان کیجئے ؟
جواب : قرآن مجید میں قیامت کو متعدد ناموں سے یاد کیا گیا ہے ، مشہور نام ذیل میں ذکر کیے جاتے ہیں :
اللہ تعالیٰ فرماتا ہے
(مَالِكِ يَوْمِ الدِّينِ ) ” بدلے کے دن قیامت کا مالک ہے ” (سورہ الفاتحہ آیت : 4)
فرمان الہی ـ
نیکی یہ ہے کہ آدمی اللہ پر اور یوم آخر اور ملائکہ پر اور اللہ کی نازل کی ہوئی کتاب اور اس کے پیغبروں پر ایمان و یقین رکھے ـ
(سورہ البقرہ ـ آیت 177)
اللہ سبحانہ وتعالیٰ کا ارشاد ہے ـ
اور ایسے لوگ کا ہم بزور قیامت اوندھے منہ حشر کریں گے ـ
(سورہ الاسراء آیت 97 )
ارشاد الٰہی ہے
اور جن لوگوں کو علم اور ایمان دیا گیا وہ جواب دیں گئے کہ تم تو جیسا کہ کتاب اللہ میں ہے یوم قیامت تک ٹھہرے رہے اور آج کا یہ دن قیامت ہی کا دن ہے ـ (سورہ الروم آیت : 56)
فرمان الہی ہے ـ
بیشک قیامت کے قائم ہونے میں کوئی شک نہیں۔
” (سورہ غافر : 59)
ارشاد الہی ہے ـ
جس روز اس تیز و تند چیخ کو یقین کے ساتھ سن لیں گے ـ یہ دن ہو گا نکلنے کا ـ
(سورہ ق آیت 42)
اللہ تعالیٰ فرماتا ہے ـ
” جو لوگ اللہ کی راہ سے بھٹک جاتے ہیں ان کے لئے سخت عذاب ہے اس لئے کہ انہوں نے حساب کے دن کو بھلا دیا ہے ”
(سورہ ص آیت 26)
فرمان الہی ہے ـ
” تو انہین اس رنج و افسوس کے دن کا ڈر سنا دے جب کہ کام انجام کو پہنچا دیا جائے گا اوریہ لوگ غفلت اور بے ایمانی میں ہی رہ جائیں گئے ـ (سورہ مریم آیت 39)
اللہ تعالیٰ فرمان ہے ـ
” یہی فیصلہ کا دن ہے جسے تم جھٹلاتے رہے۔ (سورہ صآفات ـ آیت 21)
اللہ کا فرمان ہے ـ
بلند درجوں والا عرش کا مالک وہ اپنے بندوں میں سے جس پر چاہتا ہے وحی نازل فرماتا ہے تاکہ وہ ملاقات کے دن سے ڈرائے ـ
(سورہ المومن آیت ـ 15)
اللہ سبحانہ و تعالیٰ کا ارشاد ہے
” اور مجھے تم پر ہانک پکار کے دن کا بھی ڈر ہے ” (سورہ المومن آیت 32)
فرمان الہیٰ ہے
اور صور پھونک دیا جائے گا ، وعدہ عذاب کا دن یہی ہے ـ ”’
(سورہ ق آیت 20)
فرمان الہی ـ
تم اس جنت میں سلامتی کے ساتھ داخل ہو جاؤ ، یہ ہمیشہ رہنے کا دن ہے ”
(سورہ ق آیت34)
اللہ تعالیٰ کا ارشاد ہے ـ
جس دن تم سب کو اس جمع ہونے کے دن جمع کرے گا وہی دن ہے ہار جیت کا ـ
(سورہ التغابن آیت 9)
فرمان باری تعالیٰ ہے
جب قیامت قائم ہو جائے گی
(سورہ الواقعہ ـ آیت ـ 1)
فرمان الہی ہے
” کھڑ کھڑا دینے والی ، تجھے کیا معلوم کہ وہ کھڑکھڑا دینے والی کیا ہے ـ ”
ـ (سورہ الْقَارِعَةُ ـ آیت 1-2)
فرمان باری تعالیٰ ہے
پس جب وہ بڑی آفت (قیامت ) آ جائے گی ـ (سورہ النازعات ـ 34)
اللہ کا فرمان ہے
پس جب کہ کان بہرے کر دینے والی (قیامت ) آ جائے گی ـ (سورہ عبس 33)
اللہ سبحانہ و تعالیٰ کا ارشاد ہے ـ
کیا تجھے بھی چھپا لینے والی ( قیامت ) کی خبر پہنچی ہے ”
(سورہ الغاشیہ 1)
فرمان الہی ـ
اور انہیں بہت ہی قریب آنے والی ( قیامت سے ) آگاہ کر دیجئے جب کہ دل حلق تک پہنچ جائیں گے اور سب خاموش ہوں گے ـ
(سوہ المومن آیت ـ 18)
فرمان باری تعالیٰ ہے ـ
اسی طرح ہم نے آپ کی طرف عربی قرآن کی وحی کی ہے تاکہ آپ مکہ والوں کو اور اس کے آس پاس کے لوگوں کو خبردار کر دیں ـ اور جمع ہونے کے دن سے جس کے آنے میں کوئی شک ڈرا دیں۔
(سورہ الشوری آیت ـ 7) القیامتہ الکبری للدکتور عمر سلیمان الاشقر ـ
سوال127: ہمارے نبی کو سب سے بڑا معجزہ کون سا دیا گیا ؟
جواب : قرآن کریم ـ
سوال 128 ـ ہمارے نبی کو کیا کیا معجزات و نشانیاں دی گئی تھیں ؟
جواب:ہمارے نبی کو بہت سے معجزات عطا کیے گئے ان میں سے بعض کا نام ذیل میں لکھا جاتا ہے ـ
1قرآن کریم
2- چاند کا ٹکڑے ہونا
3- ایک بڑے لشکر یعنی نوسو آدمیوں کا تھوڑی سی کھجور کھانا ـ
4- انگلیوں کے درمیان سے پانی کا ابلنا اور پورے لشکر کا اس سے پینا ـ
5- ایک مٹھی مٹی کا پورے لشکر پر پھینکنا اور مٹی کا سب کے آنکھوں میں پڑنا۔
6- منبر بن جانے کے بعد کھجور کے اس تنے کا سسک سسک کر رونا جس کے سہارے آپ خطبہ دیا کرتے تھے ـ
7- آپ کے بلانے پر درخت کا چلتے ہوئے آنا اور آپ کے لیے پردہ کرنا ـ
8- آئندہ پیش آنے والی باتوں سے متعلق آپ کا خبر دینا اور آپ کے بتلانے کے مطابق ان کا پیش آنا۔
9- جنگ بدر کے موقع پر سرداران قریش کے قتل کی خبر دینا ـ اور ہر ایک کے قتل ہونے کی جگہ کی تحدید کرنا ـ
10- لوگوں کو آپ کے سامنے کھانے کی تسبیح پڑھتے ہوئے سننا ـ
اس کے علاوہ اور بھی دوسرے معجزات ہیں جس تفصیل سے درکار ہو وہ اس موضوع پر لکھی ہوئی کتابوں کی طرف رجوع کریں ـ
سوال 129 : فرشتوں کے صفات کے نام پر کتنی سورتیں آئی ہوئی ہیں ؟
جواب : تین ـ سورتیں ـ
1- سورہ صافات ـ 2-سورہ معارج ـ3- سورہ نازعات ـ 4- سورہ مرسلات ، بعض نے اس سے مراد فرشتوں کو لیا ہے ـ
سوال 130: وہ سورتیں کتنی ہیں جو قیامت کے نام پر یا قیامت کی خوفناکیوں کے نام پر آئی ہیں ـ
جواب : تیرہ سورتیں ـ
سوال131:کتنی سورتیں ہیں جو ازمان و اوقات کے نام پر آئی ہوئی ہیں ؟
جواب:آٹھ سورتیں ہیں :
سوال132:کتنی سورتیں حیوانات کے نام پر یا صفات پر آئی ہوئی ہیں ؟
جواب:سات سورتیں :
سوال133:وہ سورتیں کتنی ہیں جو مقامات کے نام پر آئی ہوئی ہیں ؟
جواب:سات سورتیں :
سوال134:وہ آیات تحریر کیجئے جن پر درج ذیل ناموں کا اطلاق ہوتا ہے :
جواب:
{اللہ لا الہ الا ھو الحئی القیوم لا تا خذہ سنۃ ولا نوملہ ما فی۔۔۔۔۔۔۔۔۔۔۔۔}
(سورہ بقرہ آیت:255)
(قرض کے احکام)
{یا یھا الذی امنوا اذا تداینتم بدین الی اجل مسمی فا کتبوہ و لیکتب بینکم کاتب بالعدل۔۔۔۔۔۔۔۔۔۔۔۔۔۔۔}
(سورہ بقرہ آیت:282)
(کلالہ اس مرنے والے کو کہا جاتا ہے جس کا باپ ہو نہ بیٹا)
{یستفتونک قل اللہ یفتیکم فی الکلالہ۔۔۔۔۔۔۔۔۔۔۔}(سورہ نساء آیت:176)
{یا یھا الذی امنوا اذا قمتم الی الصلاۃ فا غسلو اوجو ھکم و ایدیکم الی المرافق وا مسحوا برء وسکم۔۔۔۔۔۔۔۔۔}
( سورہ مائدہ آیت:6)
{لا یوا خذکم اللہ باللغو فی ایمانکم ولکم یو اخذ کم بما عقدتم الایمان فکفارتہ اطعام عشرۃمساکین}
(سورہ مائدہ آیت:89)
( اس میں لعان کا مسلئہ بیان کیا گیا ہے )
( اس میں میراث کا مسلئہ بیان کیا گیا ہے )
{یو صیکم اللہ فی اولاد کم للذکر مثل حظ الانثیین۔۔۔۔۔۔۔۔۔۔۔۔۔۔}(سورہ نساء: از آیت 11 تا 12)
( مباہلہ کا مطلب یہ ہے کہ جب دو فریقوں میں کسی معاملے کا حق یا باطل ہونے میں اختلاف و نزاع ہو اور دلائل سے وہ ختم ہوتا نظر نہ آتا ہو تو دونوں بارگاہ الٰہی میں یہ دعا کریں کہ یا اللہ ہم دونوں میں سے جو جھوٹا ہے اس پر لعنت فرما)
سوال135:قرآن کریم میں مکہ مکرمہ کو کتنے ناموں کے ساتھ یاد کیا گیا ہے ؟
جواب:مکہ مکرمہ کو درج ذیل ناموں سے یاد کیا گیا ہے :
سوال136:غیب کی کنجیاں کتنی ہیں جنہیں اللہ کے سوا کوئی نہیں جانتا اور قرآن مجید کی کس آیت میں اس کا ذکر آیا ہوا ہے ؟
جواب:غیب کی کنجیاں پانچ ہیں جنہیں اللہ کے سوا کوئی نہیں جانتا۔
(1) قیامت کے وقوع کا یقینی علم اللہ کے سوا کسی کو نہیں۔
(2) بارش کا بھی یقینی علم اللہ کے سوا کسی کو نہیں۔
(3)رحم مادر میں کیا ہے بچہ یا بچی، نیک بخت ہے یا بد بخت، کالا ہے یا گورا وغیرہ باتوں کا علم اللہ کے سوا کسی کونہیں۔
(4)انسان کل کیا کرے گا اللہ کے سوا کسی کو معلوم نہیں۔
(5) موت کہاں آئے گی اللہ کے سوا کسی کو معلوم نہیں۔ یہ آیت کریمہ اس کی دلیل ہے
{ان اللہ عندہ علم الساعۃ و ینزل الغیث و یعلم ما فی الارحام وما تدری نفس ما ذا تکسب غدا وما تدری نفس بای ارض تموت ان اللہ علیم خبیر}
( بے شک اللہ تعالیٰ ہی کے پاس قیامت کا علم ہے وہی بارش نازل فرماتا ہے ، اور ماں کے پیٹ میں جو ہے اسے جانتا ہے کوئی[بھی]نہیں جانتا کہ کل کیا[ کچھ] کرے گا؟نہ کسی کو یہ معلوم ہے کہ کس زمین میں مرے گا، [یاد رکھو]اللہ تعالیٰ ہی پورے علم والا اور صحیح خبروں والا ہے )
(سورہ لقمان آیت:34)
سوال137:فرمان الٰہی ہے
(اور تین شخصوں کے حال پر بھی جن کا معاملہ ملتوی چھوڑ دیا گیا تھا یہاں تک کہ جب زمین باوجود اپنی فراخی کے ان پر تنگ ہونے لگی۔۔۔۔۔ وہ تین اشخاص کون ہیں اور نبی کریم صلی اللہ علیہ وسلم نے انہیں کیوں سزا دی، اور خلفوا کا کیا معنی ہے اور کس سورت میں ان کا واقعہ آیا ہوا ہے ؟
جواب:وہ تین اشخاص جن کا معاملہ ملتوی چھوڑ دیا گیا تھا وہ یہ ہیں
(1) کعب بن مالک رضی اللہ عنہ (2) مرارہ بن ربیع عامری رضی اللہ عنہ(3) ہلال بن امیہ واقفی رضی اللہ عنہ۔
رسول صلی اللہ علیہ وسلم نے انہیں سزا اس لئے دی کہ وہ بغیر عذر شرعی آپ کے ساتھ غزوہ تبوک میں شریک نہیں ہوئے تھے ، اور خلفوا کا معنی ہے کہ نبی کریم صلی اللہ علیہ وسلم نے ان کے معاملے کو اللہ تعالیٰ کے سپرد کر دیا کہ وہ ان کے بارے میں کوئی حکم نازل فرمائے گا۔
سوال138: قرآن مجید کی وہ کون سی آیت ہے جس میں اللہ تعالیٰ نے جن و انس دونوں کو چیلنج کیا ہے کہ وہ قرآن کے مثل بنا کر پیش کریں ؟
جواب:وہ آیت یہ ہے فرمان الٰہی ہے
(سورہ بنی اسرائیل آیت:88)
سوال139:وہ کون سے نبی ہیں جن کے بارے میں اللہ تعالیٰ نے فرمایا ہے:
ہم نے اسے بلند مقام پر اٹھا لیا”
(سورہ مریم آیت:57)
جواب:حضرت ادریس علیہ السلام، اس آیت سے مرتبت کی بلندی مراد ہے نہ یہ کہ آسمان پر اٹھائے جانا مراد ہے۔
سوال140:سورہ اخلاص کے چند ایک نام بیان کیجئے ؟
جواب:(1) سورہ توحید (2) سورہ صمد (3) سورہ نجات (4) سورہ براءت (5) سورہ مانعہ (6) سورہ اساس (7) سورہ قل ھو اللہ احد (8) سورہ معوذہ (9) سورہ تفرید (10)سورہ تجرید (11) سورہ جمال (12)سورہ ایمان (13) سورہ نور۔ (بحوالہ روح المعانی)
سوال141:فرمان الٰہی ہے
[سفرہ]سے کون مراد ہیں اور سفرہ انہیں کیوں کہا جاتا ہے ؟
جواب:[سفرہ]سے مراد یہاں فرشتے ہیں اور انہیں سفرہ اس لیے کہا جاتا ہے کہ وہ اللہ اور اس کے رسولوں کے درمیان سفارت کا کام کرتے ہیں۔
سوال142:حضرت عبداللہ بن عباس رضی اللہ عنہما فرماتے ہیں :قرآن پڑھنے اور اس پر عمل کرنے والوں کو اللہ تعالیٰ نے اس بات کی ضمانت دی ہے کہ وہ دنیا اور آخرت میں نہ بہکے گا پھر قرآن مجید کی آیت پڑھی وہ کون سی آیت ہے ؟
جواب:وہ آیت یہ ہے اللہ تعالیٰ کا فرمان ہے:
[جو شخص میری ہدایت پر عمل کرے گا وہ گمراہ نہ ہو گا اور نہ سختی میں پڑے گا]
(سورہ طہ آیت: 123)
سوال143:سورہ بنی اسرائیل کا دوسرا نام کیا ہے ؟
جواب: سورہ بنی اسرائیل کا دوسرا نام سورہ اسراء ہے۔
سوال144:جو بیعت درخت کے نیچے کی گئی تھی اس کو بیعت رضوان کیوں کہتے ہیں اور وہ درخت کس چیز کا تھا اور بیعت کرنے والے کتنے لوگ تھے ؟
جواب:اسے بیعت رضوان اس لئے کہتے ہیں کہ جن صحابہ کرام نے یہ بیعت کی تھی انہیں اللہ تعالیٰ نے اپنی رضا اور خوشنودی کی خوش خبری دی تھی اور وہ درخت ببول کا تھا بیعت کرنے والے صحابہ کی تعداد چودہ سو تھی۔
سوال145:اللہ تعالیٰ نے کس کو بغیر شوہر کے اولاد دی؟
جواب: حضرت مریم علیہا السلام کو۔
سوال146:بغیر ماں باپ کے اللہ تعالیٰ نے کس کو پیدا کیا؟
جواب: حضرت آدم علیہ السلام کو۔
سوال147: وہ کون سی ذات ہے جو بغیر ماں کے پیدا ہوئی؟
جواب: حضرت حواء علیہا السلام۔
سوال148:کس نبی کا بیٹا جہنم میں جائے گا؟
جواب: حضرت نوح علیہ السلام کا۔
سوال149:کس نبی کی بیوی جہنم جائے گی؟
جواب:حضرت لوط و نوح علیہ السلام کی۔
سوال150:وہ کون سی سورت ہے جس کے بارے میں کہا گیا کہ وہ دو مرتبہ نازل ہوئی ایک مرتبہ مکہ مکرمہ میں اور دوسری مرتبہ مدینہ منورہ میں ؟
جواب: وہ سورت سورہ فاتحہ ہے۔
سوال151:آیت
[جب اللہ تعالیٰ نے نبیوں سے عہد لیا کہ جو کچھ میں تمہیں کتاب و حکمت دوں ]
میں میثاق سے کیا مراد ہے اور یہ کہاں لیا گیا؟
جواب:حضرت علی رضی اللہ عنہ اور حضرت عبد اللہ بن عباس رضی اللہ عنہما فرماتے ہیں کہ اس سے مراد نبی علیہ السلام ہیں یعنی اللہ تعالیٰ نے یہ عہد تمام انبیاء سے صرف محمد کے بارے میں لیا تھا کہ اگر ان کا زمانہ پائیں تو ان پر ایمان لائیں اور ان کی تائید و نصرت کریں اور اپنی اپنی امتوں کو بھی ہدایت کر جائیں ، اور یہ میثاق یا تو عالم ارواح میں ہوا یا دنیا میں بذریعہ وحی ہوا دونوں احتمال موجود ہیں۔
سوال152:آیت کریمہ:
سورہ آل عمران آیت:106)
میں چہرے کی سفیدی اور سیاہی سے کیا مراد ہے ؟
جواب:جمہور مفسرین کے نزدیک سفیدی سے مراد نور ایمان کی سفیدی ہے یعنی مومنین کے چہرے نور ایمان سے منور ہوں گے اور سیاہی سے مراد کفر کی سیاہی ہے یعنی کافروں کے چہروں پر کفر کی کدورت چھائی ہو گی۔
سوال153:آیت کریمہ:
(سورہ مائدہ آیت:5)
میں طعام ایل کتاب سے کیا مراد ہے ؟
جواب:طعام سے مراد اہل کتاب کا ذبیحہ ہے جو کہ ہمارے لئے حلال ہے اور اس کی وجہ یہ ہے ان کے دین میں سینکڑوں تحریفات ہونے کہ باوجود اس مسئلہ میں ان کا مذہب اسلام کے بالکل مطابق ہے یعنی ذبیحہ پر اللہ کا نام لینا ضروری سمجھتے ہیں اس کے بغیر جانور کو مردار میتہ اور نا پاک و حرام قرار دیتے ہیں۔
سوال154:آیت کریمہ:
[اے میری قوم والو اس مقدس زمین میں داخل ہو جاؤ جو اللہ تعالیٰ نے تمہارے لئے لکھ دی ہے ] میں ارض مقدسہ میں کون سی زمین مراد ہے ؟
جواب:اس میں مفسرین کے مختلف اقوال ہیں بعض نے فرمایا کہ ارض مقدس سے مراد دمشق اورفلسطین ہے اور بعض کے نزدیک اردن ہے ، حضرت قتادہ فرماتے ہیں ملک شام پورا ارض مقدس ہے۔
سوال155:قرآن مجید کی وہ کون سی آیت ہے جس میں دعوت و تبلیغ کے اصول و آداب بیان کئے گئے ہیں ؟
جواب:وہ آیت یہ ہے :
[اپنے رب کی راہ کی طرف لوگوں کو حکمت اور بہترین نصیحت کے ساتھ بلائیے اور ان سے بہترین طریقے سے گفتگو کیجئے ، یقینا آپ کا رب اپنی راہ سے بہکنے والوں کو بھی بخوبی جانتا ہے اور وہ راہ یافتہ لوگوں سے بھی پورا واقف ہے۔]
سوال156:قرآن مجید کی کس سورت میں مومن کامل کے سات اوصاف بیان کئے گئے ہیں ؟
جواب:سورہ مومنون از آیت 1 تا 9۔
(1) پہلا وصف خشوع و خضوع کے ساتھ نماز پڑھنا۔
(2) دوسرا وصف بیہودہ اور بے فائدہ قول و عمل سے بچنا۔
(3)تیسرا وصف اپنے مال کی زکوۃ نکالنا۔
(4)چوتھا وصف اپنی بیویوں اور ملکیت کی لونڈیوں کے علاوہ اور عورتوں سے اپنے نفس کو دور رکھنا۔
(5) پانچوں وصف امانت کا حق ادا کرنا۔
(6) چھٹا وصف عہد پورا کرنا۔
(7) ساتواں وصف نمازوں پر محافظت کرنا۔
سوال157:وہ کون سی سورت ہے جس میں مومن کامل کے آٹھ وصف بیان ہوئے ہیں ؟
جواب:سورۃ المعارج آیت : از 23 تا 34۔
سوال158:آیت کریمہ:
میں اواب کا معنی اور مفہوم کیا ہے ؟
جواب:اواب کا معنی رجوع ہونے والے کے ہیں مراد وہ شخص ہے جو معاصی سے اللہ کی طرف رجوع کرنے والا ہو حضرت عبداللہ بن مسعود رضی اللہ عنہ شعبی اور مجاہد رحمہم اللہ فرماتے ہیں کہ اواب وہ شخص ہے جو خلوت میں اپنے گناہوں کو یاد کرے اور ان سے استغفار کرے۔
سوال159:قرآن مجید کی کس آیت میں فوت شدہ مسلمانوں کے لئے دعاء مغفرت وارد ہے ؟
جواب:ارشاد باری تعالیٰ ہے
[اے ہمارے پروردگار ہمیں بخش دے اور ہمارے ان بھائیوں کو بھی جو ہم سے پہلے ایمان لا چکے ہیں اور ایمان داروں کی طرف سے ہمارے دل میں کینہ (اور دشمنی) نہ ڈال، اے ہمارے رب بیشک تو شفقت و مہربانی کرنے والا ہے۔] ( سورہ حشر آیت: 10)
سوال160:قرآن مجید کی وہ کون سی سورت ہے جس کودس بار پڑھنے سے اللہ تعالیٰ جنت میں ایک گھر تعمیر فرماتا ہے ؟
جواب:وہ سورت اخلاص ہے۔
(دارمی ، علامہ البانی رحمۃ اللہ نے اس حدیث کو صحیح قرار دیا ہے دیکھئے السلسلۃ الصحیحہ حدث: 589)